Photos

Bonnes Pâques ! mes amis de TE
Bona Festa di Pasqua ! amichi di TE !

Une Poésie de Petru Rocchi sur Pâques à Rusiu

"Pasqua Corsa in Rusiu"
(Petru Rocchi)

Sentu sunà e campane
Quelle di u me paesolu
Rivenute da Roma sta mane
Dopu tre ghiorni di dolu.
Sunate sunate campane
A rompe u battagliolu

Ci portanu a bona nutrizia
Di u Cristu ressusscitatu
Messu in croce da à milizia
E da Caïffu cundannatu
Abandunatu da à justizia
Di u Signor’Ponziu Pilatu
Chi per paura o per malizia
E mani sin’é lavatu

Oghie a justizia divina
Face dirittu a l’innucente
Averte chi sopra l’omi
C’é una forza più pudente
Cécu é ch’un vole vède !
Sordu é ch’un vole sente !
Ma quandu l’ora sunerà
Sara troppu tardi ô giente

In ogni paese e cità
Sona e canta l’Alleluia
Pe’ a santa resurrezione
Celebrata in allegria
A Gioia e a devuzione
So in perfetta armonia.
In ogni chiesa e fucone
So Pater Nostri e Ave Maria

Dopu a festa spirituale
Prestu tuttu e preparatu
Pe a festa curpurale
Induve ognunu é invitatu
Per mangnà l’ovu pasquale
Cun’ Merre, Maestru e Curatu
U « Triumviratu » tradiziunale
D’ogni paesolu amatu

Finita a merendella
E l’ora di e distrazioni
Di a celebre paghiella
Di i balli e di i soni
Di canzona a più bella
E di l’impruvisazioni
Di fritelle, migliacci e vinu
Di ghitara a di viulinu